ۋاكالىتەن ئاپتوموبىل ھەيدەش شوپۇرى قائىدىگە خىلاپلىق قىلسا مەسئۇلىيەتنى كىم ئۈستىگە ئالىدۇ؟

تەۋە تۈر : خەۋەر > ماشىنا >       مەنبە : نۇر تورى      يوللىغۇچى :       يوللانغان ۋاقىت : 2017-09-07 22:04:22

تېڭشۈن تورى خەۋىرى:

يېقىنقى بىر قانچە يىلدىن بۇيان شەھەر قاتناش تارماقلىرىنىڭ ھاراق ئىچىپ ئاپتوموبىل ھەيدەش قىلمىشلىرىنى تۈزەش سالمىقىنىڭ ئېشىشىغا ئەگىشىپ، شەھەر ئاھالىلىرىنىڭ بىخەتەرلىك ئېڭىمۇ كۈنسېرى يۇقىرى كۆتۈرۈلمەكتە. «ئاپتوموبىل ھەيدىگەندە ھاراق ئىچمەسلىك، ھاراق ئىچكەندە ئاپتوموبىل ھەيدىمەسلىك» ئىدىيەسى بارا-بارا كىشىلەرنىڭ قەلبىگە چوڭقۇر سىڭىپ كىرىپ، ۋاكالىتەن ئاپتوموبىل ھەيدەش بازىرى شىددەت بىلەن ئالقىشقا ئېرىشتى. بىراق «ھاراق ئىچىكەنلەرگە ۋاكالىتەن ئاپتوموبىل ھەيدەپ بېرىش» ھەرىكىتى بىخەتەرلىك ئاتا قىلىش بىلەن بىرگە، يەنە بىر قىسىم مەسىلىلەرنىمۇ كەلتۈرۈپ چىقارماقتا.

ئاپتوموبىل ئىگىسى چېن ئەپەندى ئازىراق ھاراق ئىچكەنلىكى سەۋەبلىك بىر ۋاكالىتەن ئاپتوموبىل ھەيدەپ بېرىش شوپۇرىنى تەكلىپ قىلدى. بىر قانچە كۈندىن كېيىن چېن ئەپەندى ماشىنىسىنىڭ قائىدىگە خىلاپلىق قىلىش قىلمىشى ھەققىدىكى ئۇچۇرىنى تاپشۇرۋالدى. قىسقا ئۇچۇردىكى قائىدىگە خىلاپلىق قىلمىشىنىڭ ۋاقتى دەل ئۇنىڭ ۋاكالىتەن ئاپتوموبىل ھەيدەپ بېرىش شوپۇرىنى تەكلىپ قىلغان شۇ كۈنى كەچ ئىدى. قاتناش بەلگىلىمىسىگە ئاساسەن، ئاپتوموبىل سۈرئىتى %50تىن ئېشىپ كەتسە 12 نومۇر تارتىلىپ، 1000 يۈەن جەرىمانە قويۇلىدۇ. بۇ چاغدا، چېن ئەپەندى بەئەينى قاققان قوزۇقتەك تۇرۇپلا قالدى! قاتناش ساقچىلىرى قائىدىگە خىلاپ قىلمىشلارنى بىر تەرەپ قىلغاندا ئادەتتە «كىم ئاپتوموبىلنى ھەيدىگەن بولسا، شۇ مەسئۇل بولىدۇ» پىرىنسىپىغا ئاساسلىنىپ جەرىمانە قويىدۇ. ئاقىۋەتتە، شۇ كۈندىكى ۋاكالىتەن ئاپتوموبىل ھەيدىگەن شوپۇر قانداقلا بولۇشىدىن قەتئىينەزەر ئۆزىنىڭ ماشىنا ھەيدىگەنلىكىنى ئېتىراپ قىلمىدى، چېن ئەپەندىمۇ ۋاكالىتەن ئاپتوموبىل ھەيدىگەن شوپۇرنىڭ ماشىنا ھەيدىگەنلىك ئىسپاتىنى كۆرسىتىپ بېرەلمىگەچكە، ئامالسىز جەرىمانىنى ئۆزى تۆلەشكە مەجبۇر بولدى.

كۆپلىگەن ماشىنا ئىگىلىرى يىغىلىشلارغا قاتناشقاندا ماشىنىسىنى ھەيدەپ بېرىشنى ياخشى كۆرىدۇ ھەمدە ھاراق ئىچكەندىن كېيىن ۋاكالىتەن ئاپتوموبىل ھەيدەپ بېرىش شوپۇرلىرىنى چاقىرىدۇ. بىراق شوپۇر بەزىدە ئاپتوموبىل ھەيدەش داۋامىدا ماشنىنى سوقىۋەتسىغۇ دېيىشكىلى بولىدۇ، ئەمما ئادەمنى سوقىۋەتسە تامغا ئۈسسىۈۋالغان بىلەنمۇ بىكار. خوش، ئۇنداقتا، ۋاكالىتەن ئاپتوموبىل ھەيدەش داۋامىدا راسىتنلا قاتناش ھادىسىسى يۈز بېرىپ قالسا، زادى كىم مەسئۇلىيەتنى ئۈستىگە ئېلىشى كېرەك؟ ماشىنا ئىگىسى؟ ۋاكالىتەن ئاپتوموبىل ھەيدەپ بېرىش شوپۇرى؟ ۋاكالىتەن ئاپتوموبىل ھەيدەپ بېرىش شىركىتى؟

بۇنىڭغا قارىتا بىز مەخسۇس مۇناسىۋەتلىك ماتېرىياللاردىن ھەقلىق ۋاكالىتەن ئاپتوموبىل ھەيدەپ بېرىشنىڭ «ھوقۇققا چېقىلىش جاۋابكارلىقى قانۇنى»نىڭ 49-ماددىسىدىكى مۇناسىۋەتلىك بەلگىلىمىلىرىگە تەتبىقلىنىدىغانلىقىنى ئىگەللىدۇق: ئىجارە، ئارىيەت ئېلىش قاتارلىق ئەھۋاللاردا ماتورلۇق قاتناش ۋاسىتىسىنىڭ ئىگىسى بىلەن ئۇنى ئىشلەتكۈچى بىر ئادەم بولماي قالغاندا، قاتناش ھادىسىسى سادىر بولغاندىن كېيىن جاۋابكارلىق شۇ ماتورلۇق قاتناش ۋاسىتىسىگە ئارتىلسا سۇغۇرتا شىركىتى ماتورلۇق قاتناش ۋاسىتىلىرىنىڭ مەجبۇرىي سۇغۇرتا جاۋابكارلىق چەكلىك سوممىسى دائىرىسىدە تۆلەيدۇ؛ يەتمىگەن قىسمى ئۈچۈن ماتورلۇق قاتناش ۋاسىتىسىنى ئىشلەتكۈچى تۆلەم جاۋابكارلىقىنى ئۈستىگە ئالىدۇ؛ ماتورلۇق قاتناش ۋاسىتىسى ئىگىلىرىدىن زىياننىڭ پەيدا بولۇشىدا خاتالىقى بارلىرى شۇنىڭغا تۇشلۇق تۆلەم جاۋابكارلىقىنى ئۈستىگە ئالىدۇ.  

بۇنىڭدىن باشقا، ۋاكالىتەن ئاپتوموبىل ھەيدەپ بېرىش شىركىتى بىلەن ۋاكالىتەن ئاپتوموبىل ھەيدەپ بېرىش شوپۇرى ئارىسىدا ياللاش-ياللىنىش مۇناسىۋىتى شەكىللىنىدۇ. «ئالىي خەلق سوت مەھكىمىسىنىڭ جىسمانىي زىيان تۆلەم دېلولىرىنى سوت قىلىشتا قانۇننى تەتبىقلاشقا ئائىت بەزى مەسىلىلەر توغرىسىدىكى ئىزاھاتى»نىڭ 9–ماددىسىدا: ياللانغۇچى ياللىما ئىشتا باشقىلارنى زىيانغا ئۇچراتسا ياللىغۇچى تۆلەم جاۋابكارلىقىنى ئۈستىگە ئېلىشى كېرەك؛ ياللانغۇچىلاردىن كىشىلەرگە قەستەنلىك ياكى زور سەۋەنلىك بىلەن زىيان يەتكۈزگەنلىرى چاتما جاۋابكارلىقنى ياللىغۇچى بىلەن بىللە ئۈستىگە ئالىدۇ. ياللىغۇچىلاردىن چاتما تۆلەم جاۋابكارلىقىنى ئۈستىگە ئالغانلىرى ياللانغۇچىدىن تۆلىتىۋالسا بولىدۇ، دەپ بەلگىلەنگەن.

بىز يەنە مۇناسىۋەتلىك مەسئۇل كىشىلەردىن ئىگىلىشىمىزچە، ۋاكالىتەن ئاپتوموبىل ھەيدەش كەسپى بىلەن شۇغۇللىنىدىغانلارغا نىسبەتەن پىراۋ بولسىلا كۇپايە بولۇپ، مۇناسىۋەتلىك كەسپىي سالاھىيەت كىنىشكىسىنى بېجىرىشنىڭ ئورنى يوق ئىكەن. بۇنىڭغا قارىتا ئادۋوكاتلار مۇنداق دەپ قارىدى: ۋاكالىتەن ئاپتوموبىل ھەيدەپ بېرىش شوپۇرىنى ئىزدىگەندە ئەڭ ياخشىسىى مۇنتىزىم ۋاكالەتچى شىركەتنى ئىزدەش كېرەك. بۇنداق بولغاندا ھادىسە ياكى جېدەل-ماجرا يۈز بەرگەندە، ئوخشىمىغان ھادىسە مەسئۇلىيتىگە قارىتا ھەركىم ئۆز ئېھتىياجى بويىچە تېگىشلىك مەسئۇلىيەت ھەمدە تۆلەمنى ئۈستىگە ئالىدۇ. خۇسۇسىي ۋاكالىتەن ئاپتوموبىل ھەيدىگۈچىلەر بىلەن تالاش-تارتىش كۆرۈلسە ماشىنا ئىگىسىنىڭ ھوقۇقىنى قوغدىشى تەسكە چۈشىدۇ.

ئىگىلىنىشىچە، نۆۋەتتە، ھازىر نۇرغۇنلىغان ۋاكالىتەن ئاپتوموبىل ھەيدەپ بېرىش سۇپىلىرىنىڭ ۋاكالىتەن ئاپتوموبىل ھەيدەپ بېرىش شوپۇرلىرىغا بولغان تەلىپىمۇ ئوخشىمايدىغان بولۇپ، «دىدى ۋاكالىتەن ئاپتوموبىل ھەيدەش» (滴滴代驾) بىلەن «e ۋاكالىتەن ئاپتوموبىل ھەيدەش» (e代驾)نىڭ تەلىپى بولسا شوپۇرلۇق سىتاژى 5 يىلدىن كەم بولماسلىق؛ «بىخەتەر ۋاكالىتەن ئاپتوموبىل ھەيدەش» (安代驾)نىڭ تەلىپى بولسا، شوپۇرلۇق سىتاژى 3 يىلدىن كەم بولماسلىقى كېرەك ئىكەن. «دىدى ۋاكالىتەن ئاپتوموبىل ھەيدەش»تىكى ۋۇ ئەپەندىنىڭ مۇخبىرغا دېيىشىچە، شىركەت يەنە ۋاكالىتەن ئاپتوموبىل ھەيدەپ بېرىش شوپۇرلىقىغا ئىلتىماس قىلغۇچىلارنىڭ قاتناش قائىدىسىگە خىلاپلىق قىلىش خاتىرىسىنى تەكشۈرىدىغان بولۇپ، ئەگەر قائىدە خىلاپلىق قىلمىشى بولسا ئىلتىماسى تەستىقلانمايدىكەن.

تۆۋەندىكى مەزمۇننى يانفۇنىڭىزدا دوستلىرڭىز بىلەن تەڭ بەھىرلىنىڭ !

بۇنىمۇ ياقتۇرۇپ قالسىز
ad
  • پىراۋا ئېلىش مۇھىممۇ، بىخەتەرلىكمۇ؟
  • ياۋروپاغا بارغاندا ئۇچقۇر ئاپتوموبىللىرىنى ئېلىۋالىدىغان ئوتتۇرا شەرق زەردارلىرى
  • ئۈرۈمچى شەھىرىنىڭ قاتناش ساقچىلىرى مەخسۇس تۈزەش ھەرىكىتىنى قانات يايدۇردى
  • پىراۋىنى كۈچتىن قالدۇرۇش بىلەن بىكار قىلىشنىڭ قانداق پەرقى بار؟
  • باھاسى يېڭىسىدىنمۇ قىممەت نىمكەش ئاپتوموبىللار
  • 8-ئايدىن باشلاپ بۇ تۆت خىل قىلمىشتىن بىۋاسىتە 12 نومۇر تارتىلىدۇ
  • ئايروپىلان نېمىشقا بەزىدە قونماي ئايرودورومنىڭ ئۈستىدە پىرقىراپ يۈرىدۇ؟
  • بەلگىلىمىگە خىلاپ قىلمىش كۆرۈلسە جەرىمانە تۆلەشكە ئالدىرىماڭ
  • مايۈننىڭ يەنە بىر چوڭ ھەرىكىتى بىلەن 4sدۇكانلىرى كەلگۈسىدە راستتىنلا يوقاپ كىتەرمۇ ؟
  • ئېلون ماسك Model 3نى ئېلان قىلىش يىغىنىدا نېمىلەرنى ئاشكارىلىدى؟
  • ئاپتوموبىلىڭىزنىڭ تۈڭلۈكى بولمىسا قانداق بولغىنى؟
  • ھاراق ئىچىپ ئاپتوموبىل ھەيدىگەندە خەتىرى نېمە ئۈچۈن چوڭ بولىدۇ
  • 2018-يىللىق نۇسخىدىكى خوندا ئاككورد ئېلان قىلىندى
  • بۇ تورمۇزلاش ماھارەتلىرىنى بىلمىسىڭىز ئۆزىڭىزنى كونا شوپۇر چاغلىماڭ
  • ئۇ ئىلگىرى 300 مىليونغا ماشىنا سېتىۋېلىپ بىر قېتىم ئارىيەتكە بەرگەنلىكى سەۋەبلىك قارا تىزىملىككە كىرىپ قالغان
  • ماشىنىنى ھەيدەشتىن بىر قانچە مىنۇت بۇرۇن چوقۇم دېرىزىنى ئېچىۋېتىش كېرەك
  • ئىغۋا: 1-ئىيۇلدىن باشلاپ باشقىلارغا ۋاكالىتەن نومۇر تارتقۇزسا بولىدۇ
  • يېقىنقى 25 يىلدىن بۇيانقى ئەڭ «قاپ يۈرەك» 10 ئاپتوموبىل
  • تەۋسىيە قىلغىنى

    تۇرمۇش ۋە ساغلاملىق

    تەۋسىيە ۋېدىئولار

    ھەپتىلىك ئاۋات خەۋەر

    مۇشۇ تۈردىكى يىڭىسى

    مۇشۇ تۈردىكى مۇھىم خەۋەر
  • يۇقىرى سۈرئەتلىك يوللاردا نېمە ئۈچۈن يورۇتۇش چىراغلىرى بولمايدۇ؟

    مۇھىم خەۋەرلەر
  • جۇڭگولۇق باي سېتىۋالغان ئامېرىكا زۇڭتۇڭى تىرامپنىڭ ماشىنىسى

    مۇھىم خەۋەرلەر
  • F1 مۇسابىقە ئاپتوموبىلى زادى قانچىلىك قورقۇنچلۇق

    مۇھىم خەۋەرلەر
  • ئاپتوموبىل چۈشەنمەيدىغانلار قايسى گەپلەرنى ئاغزىدىن چۈشۈرمەيدۇ

    مۇھىم خەۋەرلەر
  • مىليون دەرىجىدىكى ئوق ئۆتمەس بۇ SUVنىڭ چېۋرولېت ئىكەنلىكىنى ھېس قىلالىدىڭىزمۇ

    مۇھىم خەۋەرلەر
  • دۇنيادىكى ئەڭ چوڭ ئايروپىلان ئېلان قىلىندى

    مۇھىم خەۋەرلەر
  • Copyright ©2011-2015 Baxlan Corporation, All Rights Reserved

    بارلىق ھوقوق شىنجاڭ باشلان تور-تىخنىكا مەركىزىگە تەۋە ، 新疆开始网技术中心版权所有

    ئىلان ئالاقە ھەمكارلىق نۇمىرى : 13899990941 , 新ICP备14002316号

    Powered by Baxlan.com © 2015