«تۇغقانلىشىش ھەپتىلىكى»دە چوڭقۇرلاشقان قېرىنداشلىق مېھرى

تەۋە تۈر : خەۋەر > مەملىكەت >       مەنبە : uy.ts.cn      يوللىغۇچى : baxlan       يوللانغان ۋاقىت : 2018-01-08 13:44:57

  مۇخبىرىمىز رەناگۈل خۇدابەردى

  ئۈرۈمچى شەھىرىنىڭ تەڭرىتاغ رايونى دۆڭكۆۋرۈك تەۋەلىك باشقۇرۇش كومىتېتى قوشقۇتلۇق كوچىسى مەھەللىسىدىكى باھارگۈل يۇنۇس 2017 – يىلى 12 – ئاينىڭ 27 – كۈنى كەچتە تاماققا تەييارلىق قىلىپ قويۇپ، يېڭى يوتقان – كۆرپىلەرنى تەييارلاپ، «سىڭلىسى» ما خۇيجېننىڭ تېزرەك كېلىشىنى كۈتۈپ ئولتۇراتتى. ما خۇيجېن باھارگۈل يۇنۇسنىڭ ئۆيىگە كېلىپلا قىلچە قورۇنماي پەرتۇق تارتىپ ئوخشىتىپ بىر قانچە قورۇما قورىدى، «ئاچا – سىڭىل» ئىككەيلەن بىر – بىرىنىڭ ئوخشىتىپ ئەتكەن تاماقلىرىنى ماختىشىپ، قىزغىن پاراڭغا چۈشۈپ كەتتى...

  ئاپتونوم رايونىمىزدا مىللەتلەر ئىتتىپاقلىقى «تۇغقانلىشىش ھەپتىلىكى» پائالىيىتى قانات يايدۇرۇلغاندىن بۇيان، ئۈرۈمچى شەھىرىنىڭ تەڭرىتاغ رايونى دۆڭكۆۋرۈك تەۋەلىك باشقۇرۇش كومىتېتى قوشقۇتلۇق كوچىسى مەھەللە ئاھالە كومىتېتىدىكى خىزمەتچىلەر قوشماقلاشقان تۇغقانلىرى بىلەن تاماقتا، يېتىپ – قوپۇشتا، ئەمگەكتە، ئۆگىنىشتە بىللە بولۇپ، مىللەتلەر ئىتتىپاقلىقى رىشتىسىنى چىڭىتتى. خىزمەتكە قاتناشقىنىغا ئەمدىلا ئۈچ يىلدىن ئاشقان قوشقۇتلۇق كوچىسى مەھەللە ئاھالە كومىتېتى پارتىيە ياچېيكىسىنىڭ شۇجىسى ما خۇيجېن بۇ قېتىمقى «تۇغقانلىشىش ھەپتىلىكى»دە باشلامچلىق بىلەن قوشماقلاشقان تۇغقىنى باھارگۈل يۇنۇسنىڭ ئۆيىدە بىر ھەپتە تۇرۇپ، ئۇنىڭ بىلەن سىردىشىش جەريانىدا تۇغقاندارچىلىق مېھرىنى تېخىمۇ چوڭقۇرلاشتۇردى.

  ـــ بىز «قوشماق تۇغقان» بولغان بىر يىلدىن بۇيان، «سىڭلىم» ما خۇيجېن مېنى ئۆز قېرىندىشىدەك كۆرۈپ كەلدى، مەندىن دائىم ھال – ئەھۋال سوراپ تۇردى، پارتىيە 19 – قۇرۇلتىيى ئېچىلغاندىن كېيىن، كۆپ قېتىم ئۆيۈمگە كېلىپ، قۇرۇلتاينىڭ روھىنى ۋە قۇرۇلتايدا ئوتتۇرىغا قويۇلغان ئەلگە نەپ يەتكۈزۈش سىياسەتلىرىنى ماڭا سۆزلەپ بەردى. بۈگۈن ئۆيۈمدە قونغىلى كەپتۇ، بەك خۇشال بولدۇم، ئاتا – ئانام، ئېرىم بۇرۇنلا تۈگەپ كەتكەن، ئوغلۇمنىڭ خىزمەت ئورنى يىراقتا بولغاچقا، كۈندە كېلىپ مېنى يوقلاپ بولالمايدۇ. يالغۇزسىراپ قالغان چاغلىرىمدا ما خۇيجېن «سىڭلىم»غا تېلېفون قىلىمەن ياكى خىزمەت ئورنىغا بېرىپ پاراڭلىشىپ كېلىمەن، ئۈرۈمچىدە ئوغلۇمدىن قالسىلا ما خۇيجىن سىڭلىم ئەڭ يېقىن يۆلەنچۈكۈم، ئۇ خۇشاللىقىم ۋە قايغۇلىرىمغا ھەمدەم بولۇپ، بىر قورساق سىڭلىمدەك كۆيۈنىدۇ. مىللەتلەر ئىتتىپاقلىقى «تۇغقانلىشىش ھەپتىلىكى» بىر – بىرىمىزگە بولغان مېھىر – مۇھەببىتىمىزنى تېخىمۇ چېڭىتتى، ــ دېدى باھارگۈل يۇنۇس ھاياجان بىلەن كۆزلىرىگە ئىسسىق ياش ئېلىپ.

  ــ ئادەتتە، باھارگۈل «ئاچام»نى «چۈنخۇا ئاچا» دەپ چاقىرىمەن، ئۇنىڭ مىجەزى بەك ئوچۇق، كۆرۈشكەندە پاراڭلىرىمىز تۈگىمەيدۇ، ــ دېدى ما خۇيجېن، ــ «ئاچام» 60 ياشتىن ئاشتى، بەزىدە پۇتلىرى ئىششىپ ئارام بەرمەيدۇ، شۇنداق تۇرۇپمۇ مېنى پات – پات يوقلاپ كېلىدۇ، ماڭا ئۆز ئاچامدەكلا كۆيۈنىدۇ. «مىللەتلەر ئىتتىپاقلىشىپ بىر ئائىلە كىشىلىرىدەك بولۇش» شوئار توۋلاش بىلەنلا ئىشقا ئاشمايدۇ، ھەممىمىزنىڭ «تۇغقان – قېرىنداشلىرىمىز»غا چىن مېھرىمىز بىلەن سەمىمىي مۇئامىلە قىلىشىمىزغا توغرا كېلىدۇ. بۇ قېتىم تۇغقىنىم باھارگۈل يۇنۇس بىلەن بىللە يېتىپ – قوپۇپ، بىللە گېزىت – ژۇرنال ئوقۇپ، بىللە تاماق ئەتتۇق، پارتىيە 19 – قۇرۇلتىيىنىڭ روھىنى بىللە ئۆگەندۇق، بىللە بازار ئايلاندۇق، پاراڭلىرىمىز كۆپەيدى، ئارىلىقىمىز تېخىمۇ يېقىنلاشتى، مېھىر – مۇھەببىتىمىز قويۇقلاشتى، بىر ھەپتە توشقاندا بىر – بىرىمىزگە قىيالماي قالدۇق. ئەتراپىمدىكى خادىملار بولسۇن ياكى ئاھالىلەر بولسۇن، ھەممىسى مىللەتلەر ئىتتىپاقلىقى «تۇغقانلىشىش ھەپتىلىكى»دە ئۆزلىرىنىڭ تۇغقانلىرىنى ھەقىقىي چۈشىنىش پۇرسىتىگە ئېرىشكەنلىكىنى، تۇغقاندارچىلىق، دوستلۇق مۇناسىۋىتىنىڭ تېخىمۇ چوڭقۇرلاشقانلىقىنى، بۇ بىر ھەپتىنىڭ ئىنتايىن ئەھمىيەتلىك ئۆتكەنلىكىنى ئىنكاس قىلىشتى. شۇنىڭغا ئىشىنىمىزكى، «تۇغقانلىشىش ھەپتىلىكى» ئاخىرلاشقان بولسىمۇ، تۇغقاندارچىلىقىمىز ئۈزلۈكسىز داۋاملىشىدۇ...

مەنبە: http://uy.ts.cn/system/2018/01/08/035068547.shtml



دىيارىمىز ھەققىدىكى ئەڭ يېڭى خەۋەرلەر دۆڭكۆۋرۈك خاتىرىلىرى سالونىدا

تۆۋەندىكى مەزمۇننى يانفۇنىڭىزدا دوستلىرڭىز بىلەن تەڭ بەھىرلىنىڭ !

بۇنىمۇ ياقتۇرۇپ قالسىز
ad
  • خەلق ئىشلىرى مىنىستىرلىقى، ج خ مىنىستىرلىقى بىرلىكتە قانۇنسىز ئىجتىمائىي تەشكىلاتلارنى ‏‏«دەل جايىدا تۈزەيدۇ»‏
  • ئۈرۈمچى شەھىرى بۇ يىل خەلق تۇرمۇشىغا ئالاقىدار 10 چوڭ ئەمەلىي ئىش قىلىدۇ
  • ئۈرۈمچىنىڭ ئەڭ تۆۋەن مائاش ئۆلچىمى ئېيىغا 1620 يۈەنگە ئۆستۈرۈلدى
  • شىمالىي شىنجاڭنىڭ كۆپ قىسىم جايلىرىدا ھەپتە ئاخىرىدا قار ئارىلاش يامغۇر ياغىدۇ
  • ئۈرۈمچىدە لېي فېڭدىن ئۆگىنىش ئەترەتلىرى ھەرىكەتكە كەلدى
  • قوشنىلىرىغا قىزغىن غەمخورلۇق قىلغان زاھىدە
  • چاغان مەزگىلىدە كورلا ئاھالىسى ئاق قۇلارنى تاماشا قىلدى
  • ھەرمىللەت ئاھالىلەر ئىتتىپاقلىشىپ بىر ئائىلە كىشىلىرىدەك بولۇپ چاغاننى خوشال-خۇرام ئۆتكۈزدى
  • «مەن ئانارنىڭ بىر دانىسى» چوڭ تىپتىكى تور مەدەنىيەت پائالىيىتىدە مۇكاپاتقا ئېرىشكەن ئەسەرلەر (1)
  • ئاپتونوم رايون 2018–يىللىق چاغانلىق كوللېكتىپ مۇبارەكلىشىش يىغىنى ئۆتكۈزدى
  • مىللەتلەر ئىتتىپاقلىشىپ بىر ئائىلە كىشىلىرىدەك بولايلى، بىر نىيەت، بىر ئارزۇدا يېڭى يىلنى ئۆتكۈزەيلى
  • «خەلق گېزىتى» ئوبزورى: ھەممە ئائىلە ياخشى بولسا، دۆلەت قۇدرەت تاپىدۇ
  • چېن چۈەنگو چاغان ھارپىسىدا ئۈرۈمچىدىكى ھەرمىللەت كادىرلار، ئاممىنى يوقلىدى ۋە ئۇلاردىن ھال سورىدى
  • چاغاننى قىزغىن كۈتۈۋېلىپ، جۇڭگو يىلىدىن ئورتاق بەھرىلىنىش
  • شىنجاڭلىق ياشلار چاغانلىق يۇرتقا قايتىش سەپىرىدە پويىز كەيپىياتىنى يۇقىرى كۆتۈردى
  • شىنخۇا تورىنىڭ ھەپتىلىك دۆلەت ئىچى نادىر سۈرەتلىك خەۋەرلىرى
  • چاغان مەزگىلىدە بۇ يول بۆلەكلىرىدە قاتنىغاندا دىققەت قىلىڭ
  • جەنۇبىي شىنجاڭلىق بالىلارنىڭ قومۇل سەپىرى كۆڭۈللۈك بولدى
  • تەۋسىيە قىلغىنى

    تۇرمۇش ۋە ساغلاملىق

    تەۋسىيە ۋېدىئولار

    ھەپتىلىك ئاۋات خەۋەر

    مۇشۇ تۈردىكى يىڭىسى

    مۇشۇ تۈردىكى مۇھىم خەۋەر
  • شىنجاڭدىكى تۇنجى «يۈرەك ئالماشتۇرغۇچى» «يۈرەك» ىنىڭ 15 ياشقا كىرگەن تۇغۇلغان كۈنىنى تەبرىكلىدى

    مۇھىم خەۋەرلەر
  • شىئەن 9-مەركىزىي شەھەر بولدى: دۆلىتىمىزدە يەنە قايسى مەركىزىي شەھەرلەر بار؟

    مۇھىم خەۋەرلەر
  • دۆلەت بايرىمى مۇبارەك: ۋەتىنىم جۇڭگو، تەشەككۈر ساڭا

    مۇھىم خەۋەرلەر
  • Copyright ©2011-2015 Baxlan Corporation, All Rights Reserved

    بارلىق ھوقوق شىنجاڭ باشلان تور-تىخنىكا مەركىزىگە تەۋە ، 新疆开始网技术中心版权所有

    ئىلان ئالاقە ھەمكارلىق نۇمىرى : 13899990941 , 新ICP备14002316号

    Powered by Baxlan.com © 2015