شياۋمى يانفون باھاسىنى راستىنلا تۆۋەنلەتتىمۇ؟

تەۋە تۈر : خەۋەر > تىخنىكا >       مەنبە : نۇر تورى      يوللىغۇچى : baxlan       يوللانغان ۋاقىت : 2018-02-13 13:20:28

تېڭشۈن تورى 13-فېۋرال خەۋىرى، : 

شياۋمى پۈتكۈل يانفوننىڭ باھاسىنى تۆۋەنلىتىپلا قالماي، پۈتكۈل يانفون ساھەسىدىكى رىقابەتنى كەسكىنلەشتۈرۈپ، ئۇنى قايتىدىن گۈللەندۈردى. دۇنيادىكى ئالدىنقى بەش يانفون شىركىتىنىڭ ئۈچى دۆلىتىمىز يانفون شىركىتى. دۆلىتىمىز يانفون بازىرىنىڭ %90تىن ئارتۇق ئۈلۈشىنى دۆلىتىمىزدە ئىشلەپچىقىرىلغان يانفونلار ئىگىلىدى. بۇ بىر مىسلى كۆرۈلۈپ باقمىغان ئىش، ئەلۋەتتە بۇنىڭ ئەڭ ئاساسلىق سەۋەبى دەل شياۋمىنىڭ بارلىققا كېلىشى. 

2011-يىلى 16-ئاۋغۇست دۆلىتىمىز يانفون بازىرى خاتىرىلەشكە ئەرزىيدىغان بىر كۈن. شۇ كۈنى شياۋمى 1 ئېلان قىلىندى، باھاسى 1999 يۈەن بولۇپ، سەپلىمىى بايراقدار دەرىجىلىك ئىدى. شۇنىڭدىن باشلاپ شياۋمى يانفونىنى تالىشىپ سېتىۋېلىش بىر خىل ھادىسىگە ئايلاندى. ئەينى ۋاقىتتا بايراقدار يانفونلارنىڭ باھاسى 4000 يۈەندىن يۇقىرى بولۇپ، شياۋمى شۇنىڭ يېرىمىغا توغرا كېلىدىغان باھانى بايراقدار باھا قىلدى.

شياۋمىنىڭ تۆۋەن باھادا سېتىشقا جۈرئەت قىلالىشىدىكى سەۋەب ئەندىزىدە يېڭىلىق ياراتتى. سودا ئەندىزىسى ئىجادىيىتى تېخنىكا ئىجادىيىتىدىنمۇ مۇھىم. شياۋمى ئىنتېرنېت ئەندىزىسى بويىچە يانفون ئىشلەپچىقىرىپ، ئەنئەنىۋى يانفون شىركەتلىرىنىڭ ئەندىزىسىنى بىۋاسىتە ئاغدۇرۇپ تاشلىدى. ئىنتېرنېت يوللىرى ئەنئەنىۋى يوللاردىكى توسالغۇلارنى بۇزۇپ تاشلاپ، يانفوننى زاۋۇتتىن بىۋاسىتە ئابۇنىتلارنىڭ قولىغا يەتكۈزۈپ، سېتىش يوللىرىدىكى سودىگەرلەرنىڭ پايدىسىنى كېسىپ تاشلاپ، پايدىنى بىۋاسىتە ئابۇنتلارغا ئۆتۈنۈپ بەردى، مانا بۇ دەل تور سودىسىنىڭ ئۈستۈنلىكى. 

توردىكى سېتىش يولى شياۋمى يانفونىنىڭ باھاسى تۆۋەنلەتتى. شياۋمى ئىنتېرنېت قوشۇلما قىممەت مۇلازىمىتى ئارقىلىق يۇمشاق دېتال مۇلازىمىتىنىڭ تىجارەت كىرىمى بىلەن قاتتىق دېتال زىيىنىنى تولۇقلىسا بولىدۇ. شياۋمى بىر ئىنتېرنېت شىركىتى، يانفون ئىشلەپچىقىرىشتىمۇ ئىنتېرنېت تەپەككۇرىنى ئىشلىتىدۇ. ئەننەنىۋى يانفون شىركەتلىرى بىلەن سېلىشتۇرغاندا شياۋمى پۈتۈنلەي ئىنتېرنېت شىركەتلىرىنىڭ تاكتىكىسى بويىچە يانفون ساتىدۇ. پەقەت يانفوننىڭ تەننەرخ باھاسى بويىچە مال چىقارسىلا پۈتۈنلەي يۇمشاق دېتال ئارقىلىق پۇل تاپالايدۇ. باشقا يانفون شىركەتلىرى شياۋمىغا ئەسلا يېتىشەلمەيدۇ ھەم شيامى يانفونىدەك ئىقتىدار-باھا نىسبىتىگىمۇ ئېرىشەلمەيدۇ. 

بەلكىم سىز شياۋمى يانفون باھاسىنى تۆۋەنلەتمىدى، ھازىرغىچە باھاسى ئەڭ ئەرزان خوڭمى يانفونىنى سېتىۋاتىدۇ، دېيىشىڭىز مۇمكىن. خوڭمى يەنىلا ئەڭ يۇقىرى ئىقتىدار-باھا نىسبىتىگە ئىگە يانفون، ئەڭ ياخشى سەپلىمىنى ئەڭ تۆۋەن باھادا ساتىدۇ. شياۋمى يانفون باھاسىنى تۆۋەنلىتىپلا قالماي، يەنە خوڭمى يانفونى ئارقىلىق ئەقلىيفوننى ئومۇملاشتۇرۇپ، كۆچمە ئىنتېرنېتنىڭ گۈللىنىشىنى بىۋاسىتە سىلجىتتى. 

باشقا يانفون شىركەتلىرىنىڭ سودا ئەندىزىسى ئارقىدا قالغان بولۇپ، سېتىش يوللىرى قۇرۇپ، جاھاننى بىر ئالغۇدەك ئېلان بېرىپ، بارلىق تەننەرخنى ئىستېمالچىلارغا يۈكلەپ قويىدۇ، بۇنداق يانفوننىڭ باھاسى چوقۇم شياۋمىدىن يۇقىرى بولىدۇ. قانداقلا قىلمىسۇن، چوقۇم شياۋمىدىن قىممەت بولىدۇ. يانفون شىركەتلىرى ئاساسلىق دېتاللارنى قۇراشتۇرۇپ ساتىدۇ، سۈپەت ۋە سۈپەتنى كونترول قىلىش جەھەتتە ئانچە پەرقلەنمەيدۇ، شۇڭا شياۋمىغا قارىغاندا ئۈستۈنلىكى يوق. بىردىنبىر ئۈستۈنلىكى دەل ئېلان ئارقىلىق ئۆزىنى تەشۋىق قىلىش. 

شياۋمى ئەندىزىسى دەل بىر دەۋرنىڭ غەلىبىسى.

تۆۋەندىكى مەزمۇننى يانفۇنىڭىزدا دوستلىرڭىز بىلەن تەڭ بەھىرلىنىڭ !

بۇنىمۇ ياقتۇرۇپ قالسىز
ad

تەۋسىيە قىلغىنى

تۇرمۇش ۋە ساغلاملىق

تەۋسىيە ۋېدىئولار

ھەپتىلىك ئاۋات خەۋەر

مۇشۇ تۈردىكى يىڭىسى

مۇشۇ تۈردىكى مۇھىم خەۋەر
  • كىچىك سەييارىلەرنىڭ يەر شارىغا سوقۇلۇش ئېھتىماللىقى زادى قانچىلىك؟

    مۇھىم خەۋەرلەر
  • ئېلون ماسك توختىماي راكېتا قويۇپ بېرىپ دۇنيانىڭ تور سۈرئىتىنى تېزلەتمەكچى

    مۇھىم خەۋەرلەر
  • دوستلار چەمبىرىكى چىقارمايدىغان كىشىلەر قانداق ئالاھىدىلىككە ئىگە؟

    مۇھىم خەۋەرلەر
  • ما يۈن: ئوقۇغۇچىسى 100گە يەتمەيدىغان يېزا مەكتەپلىرىنى بىرلەشتۈرىۋېتىش كېرەك

    مۇھىم خەۋەرلەر
  • تۇنجى بولۇپ ئايغا چىققۇچى 45 يىل يوشۇرغان مەخپىيەتلىك

    مۇھىم خەۋەرلەر
  • ما خۇاتېڭ: ئايالىم بىلەن QQ ئارقىلىق تونۇشقان

    مۇھىم خەۋەرلەر
  • Copyright ©2011-2015 Baxlan Corporation, All Rights Reserved

    بارلىق ھوقوق شىنجاڭ باشلان تور-تىخنىكا مەركىزىگە تەۋە ، 新疆开始网技术中心版权所有

    ئىلان ئالاقە ھەمكارلىق نۇمىرى : 13899990941 , 新ICP备14002316号

    Powered by Baxlan.com © 2015