ئۇچقۇچى ئەتراپنى قانداق كۆزىتىدۇ؟

تەۋە تۈر : خەۋەر > تىخنىكا >       مەنبە :       يوللىغۇچى : baxlan       يوللانغان ۋاقىت : 2018-02-13 17:05:32

ئادەتتە ئايروپىلاننىڭ سۈرىتى ناھايىتى تېز بولغاچقا، ئېھتىيات قىلمىسا باشقا ئايروپىلانلار بىلەن سوقۇلۇشۇپ كېتىش خەۋپى كۈچلۈك بولىدۇ. ئۇچقۇچىنىڭ ئەتراپىدا ئايروپىلان بار ياكى يوقلىقىنى كۆزىتىپ بىلىپ تۇرۇشى، باشقا ئايروپىلانلارنىڭ ئۆزى بىلەن ئۇچۇش مۇناسىۋىتىنىڭ قانداقلىقىنى ھەر ۋاقىت ئىگىلەپ تۇرۇشىغا قولاي بولسۇن ئۈچۈن، ئايروپىلانغا قىزىل، يېشىل ۋە ئاق رەڭلىك چىراغلار ئورنىتىلىدۇ؛ كېچىسى ھاۋادىكى قاتناش ۋەقەسىدىن ساقلىنىش ئۈچۈن ئايروپىلاننىڭ ئوڭ سول ۋە قۇيرۇقىدىكى ئۈچ چىراغ يورۇتۇپ قويۇلىدۇ. ئۇچقۇچىنىڭ ئورنىدىن قارىغاندا، قىزىل چىراغ سول قانات نىڭ ئۇچىغا، يېشىل چىراغ ئوڭ قاناتنىڭ ئۇچىغا، ئاق چىراغ قۇيرۇققا ئورنىتىلىدۇ؛ ئۈچ چىراغنى ئۈزلۈكسىز ياندۇرۇشقىمۇ ئۈزۈپ-ئۈزۈپ ياندۇرۇشقىمۇ بولىدۇ.

ئەگەر ئۇچقۇچى باشقا بىر ئايروپىلاننىڭ ئۆزى بىلەن ئوخشاش ئېگىزلىكتە ئۇچۇۋاتقىنى ھەم ئۇنىڭ قىزىل، يېشىل ئىككى چىرىقىنى كۆرگەن بولسا، ئۇ ئايروپىلاننىڭ ئۇدۇل ئۆزىگە قاراپ ئۇچۇپ كېلىۋاتقىنى، سوقۇلۇپ كېتىش خەۋپى بارلىقىنى، چوقۇم ئامال قىلىپ ئۆزىنى چەتكە ئېلىش كېرەكلىكىنى بىلىدۇ؛ ئەگەر ئۇچقۇچى باشقا بىر ئايروپىلاننىڭ ئۆزى بىلەن ئوخشاش ئېگىزلىكتە ئۇچىۋاتقانلىقىنى ھەم ئاق چىرىغىنىلا كۆرسە، ئۇ ئايروپىلاننىڭ ئۆزى بىلەن بىر يۆنىلىشتە ئۇچۇپ كېتىۋاتقانلىقىنى بىلىدۇ. ئەگەر ئاق  يورۇقلۇق بارغانسېرى كۈچەيسە، ئارىلىقنىڭ تەدرىجىي يېقىنلاۋاتقىنى سوقۇلۇپ كېتىش خەۋپى بارلىقىنى؛ ئاق يورۇقلۇق ئاجىزلىسا ئارىلىقنىڭ تەدرىجىي يىراقلاپ كېتىۋاتقانلىقىنى، سوقۇلۇپ كېتىش خەۋپى يوقلۇقىنى بىلىدۇ. ئەگەر قىزىل ياكى يېشىل چىراغنى كۆرسە ئۇ ئايروپىلاننىڭ ئوڭ ياكى سول تەرەپتە ئىكەنلىكىنى؛ ئۈچلا چىراغنىڭ ھەممىسىنى كۆرسە، قارشى تەرەپنىڭ ئۆزىنىڭ ئۈستى ياكى ئاستىدا ئىكەنلىكىنى، بۇ ئىككى خىل ئەھۋالدا خەتەر يوقلىقىنى بىلىدۇ.

 

ئەسلى مەنبە: ئۈرۈمچى كەچلىك گېزىتى

تۆۋەندىكى مەزمۇننى يانفۇنىڭىزدا دوستلىرڭىز بىلەن تەڭ بەھىرلىنىڭ !

بۇنىمۇ ياقتۇرۇپ قالسىز
ad

تەۋسىيە قىلغىنى

تۇرمۇش ۋە ساغلاملىق

تەۋسىيە ۋېدىئولار

ھەپتىلىك ئاۋات خەۋەر

مۇشۇ تۈردىكى يىڭىسى

مۇشۇ تۈردىكى مۇھىم خەۋەر
  • كىچىك سەييارىلەرنىڭ يەر شارىغا سوقۇلۇش ئېھتىماللىقى زادى قانچىلىك؟

    مۇھىم خەۋەرلەر
  • ئېلون ماسك توختىماي راكېتا قويۇپ بېرىپ دۇنيانىڭ تور سۈرئىتىنى تېزلەتمەكچى

    مۇھىم خەۋەرلەر
  • دوستلار چەمبىرىكى چىقارمايدىغان كىشىلەر قانداق ئالاھىدىلىككە ئىگە؟

    مۇھىم خەۋەرلەر
  • ما يۈن: ئوقۇغۇچىسى 100گە يەتمەيدىغان يېزا مەكتەپلىرىنى بىرلەشتۈرىۋېتىش كېرەك

    مۇھىم خەۋەرلەر
  • تۇنجى بولۇپ ئايغا چىققۇچى 45 يىل يوشۇرغان مەخپىيەتلىك

    مۇھىم خەۋەرلەر
  • ما خۇاتېڭ: ئايالىم بىلەن QQ ئارقىلىق تونۇشقان

    مۇھىم خەۋەرلەر
  • Copyright ©2011-2015 Baxlan Corporation, All Rights Reserved

    بارلىق ھوقوق شىنجاڭ باشلان تور-تىخنىكا مەركىزىگە تەۋە ، 新疆开始网技术中心版权所有

    ئىلان ئالاقە ھەمكارلىق نۇمىرى : 13899990941 , 新ICP备14002316号

    Powered by Baxlan.com © 2015