ھىلارى: 2016-يىلدىكى سايلام نەتىجىسىدىن قاتتىق ئۈمىدسىزلەندىم، 2020-يىلدىكى سايلامغا قاتناشمايمەن

تەۋە تۈر : خەۋەر > خەلقئارا >       مەنبە : nur tori      يوللىغۇچى :       يوللانغان ۋاقىت : 2017-09-13 14:45:38

 

يەر شارى تورى خەۋىرى: 

ئامېرىكىنىڭ «سابىق 1-خانىمى»، سابىق دۆلەت ئىشلىرى كاتىپى ھىلارى كىلىنتون پات ئارىدا بازارغا سېلىنىدىغان كىتابى «نېمىشقا مەغلۇپ بولدۇم» نى تەشۋىق قىلماقتا. ئۇ، 10-سېنتەبىر ئامېرىكا «كولومبىيە رادىيو شىركىتى»نىڭ زىيارىتىنى قوبۇل قىلىپ، بۇلتۇرقى چوڭ سايلامدا مەغلۇپ بولۇش كەچۈرمىشىنى ئەسلەپ ئۆتتى ھەمدە سايلام نەتىجىسىدىن ناھايىتى «كۆڭلى يېرىم بولغانلىقى» نى ئېيتتى. 

ھىلارى شۇ كۈنى نىيويوركنىڭ يېقىن ئەتراپىدىكى ئۆيىدە «كولومبىيە رادىيو شىركىتى» نىڭ زىيارىتىنى قوبۇل قىلغان. ئۇ زىيارەتتە مۇنداق دېگەن: «بۇلتۇرقى چوڭ سايلامدا جۇمھۇرىيەتچىلەر پارتىيەسىدىكى رەقىبىم دونالد تىرامپقا ئۇتتۇرۇۋەتكەنلىكىم مېنى ھازىرغىچە قىيناپ كەلدى، بۇنىڭدىن كۆڭلۈم بەكمۇ يېرىم بولدى. مەن مەغلۇپ بولۇش نۇتۇقىغا ئەمەس، بەلكى غەلىبە نۇتۇقىغا تەييارلىق قىلغانىدىم، بىراق ئويلىمىغان يەردىن سايلامدا مەغلۇپ بولدۇم». 

ئۇ يەنە: «شەخسىي مۇلازىمىتېر بىلەن مەخپىي ئېلخەت ھۆججىتىنى بىر تەرەپ قىلغانلىقىم، ئامېرىكىنىڭ دۆلەت ئىشلىرى كاتىپى بولغان چاغدا سادىر قىلغان ئەڭ چوڭ خاتالىقىم بولۇپ قالدى» دېگەن. 

«مېنىڭچە، ئەڭ چوڭ خاتالىقىم شەخسىي ئېلخەت ھۆججىتى ئىشلەتكەنلىك. مەن بۇنى بۇنىڭدىن بۇرۇنمۇ دەپ ئۆتكەن، بۈگۈن يەنە بىر قېتىم دەپ ئۆتەي، ئەينى چاغدىكى ئىشنىڭ ھەممىسىگە مەن سەۋەبچى. بۇ ئىشنىڭ پاسسىپ شەكىلدە تارقىلىشى مېنى بۈگۈنگىچە قىيناپ كەلدى، مەن بۇنىڭ ئازابىدىن مەڭگۈ قۇتۇلالمايمەن» دېدى. 

فېدېراتسىيە تەكشۈرۈش ئىدارىسىنىڭ ئەينى چاغدىكى باشلىقى جامېس كومى، ئامېرىكا زۇڭتۇڭ سايلىمىغا بېلەت تاشلاشقا پەقەت 11 كۈن قالغاندا، ئامېرىكا پارلامېنتىدىكى يۇقىرى قاتلام رەھبەرلىرىگە خەت يېزىپ، ھىلارىنىڭ «ئېلخەت سەتچىلىكى» نى تەكشۈرۈشنى قايتا باشلايدىغانلىقىنى جاكارلىغان. بېلەت تاشلاشقا ئىككى كۈن قالغاندا، كومى يەنە: «دەسلەپكى تەكشۈرۈش نەتىجىسىگە ئاساسلانغاندا، ھىلارىنى ئەرز قىلىشنىڭ قانۇنىي ئاساسى يوق» دېگەن. ھىلارى بۇنى ئۆزىنىڭ سايلامدا مەغلۇپ بولۇشىدىكى ھالقىلىق سەۋەب دەپ قارىغان. 

ھىلارى يەنە، ئۆزىنىڭ سايلامدىكى ئاساسىي كۆز قارىشىنىڭ ئاممىنىڭ كەيپىياتى بىلەن ماس كەلمىگەنلىكىنى ئېتىراپ قىلغان. 

«ئامېرىكىدىكى كۆپ قىسىم كىشىلەرنىڭ پۇل مۇئامىلە كىرىزىسىدىن قاتتىق غەزەپلەنگەنلىكى ماڭا ئايان. مېنىڭچە، مېنىڭ شۇ چاغدىكى مەسئۇلىيىتىم ئاشۇ مەسىلىنى ھەل قىلىشقا ئۇرۇنۇپ بېقىش ئىدى، ھەرگىزمۇ باشقىلارنىڭ غەزىپىنى قوزغاپ قويۇش ئەمەستى. بىراق مەن خاتا قىلدىم، كىشىلەر مېنىڭ ئۆزلىرىنىڭ دەردىگە دەرمان بولۇشۇمنى ئۈمىد قىلاتتى. مەن مۇشۇ جەھەتتە بولسىمۇ تېخىمۇ ياخشى قىلىشىم كېرەكتى، ئەمما مەن ئۇنداق قىلالمىدىم» دېدى، ھىلارى ئەپسۇسلىنىپ. 

بۇ، ھىلارىنىڭ يېڭى كىتابىنى تەشۋىق قىلىش ئۈچۈن تۇنجى قېتىم تېلېۋىزىيە زىيارىتىنى قوبۇل قىلىشىكەن. تاراتقۇلارنىڭ خەۋىرىگە قارىغاندا، «نېمىشقا مەغلۇپ بولدۇم» دېگەن كىتاب بۈگۈن تارقىتىلىدىكەن. يېڭى كىتابنىڭ ئۈزۈندىسىدە كۆرسىتىلىشىچە، ھىلارى چوڭ سايلامدا مەغلۇپ بولۇش سەۋەبىنى ئۆز ئۈستىگە ئالغاندەك قىلسىمۇ، ئەمما تىغ ئۇچىنى باشقىلارغا قاراتقان جايلارمۇ باركەن، بۇلار كومى، سابىق زۇڭتۇڭ ئوباما، ئۆزىنىڭ سايلام ياردەمچىسى، سابىق زۇڭتۇڭ بايدىن قاتارلىقلارنى ئۆز ئىچىگە ئالىدىكەن. ئۇ :«چوڭ سايلامدا كۆپلىگەن مۇھىم ھالقىلارنى مەن ئەمەس بەلكى ئۇلار كونترول قىلدى» دېگەن. 

بۇ يىل 69 ياشنىڭ قارىسىنى ئېلىپ قالغان ھىلارى زىيارەتتە يەنە: «زۇڭتۇڭ نامزاتى بولۇشى مەندەك مومايغا ئەمدى ماس كەلمەيدىغاندەك قىلىدۇ، 2020-يىلدىكى ئامېرىكا چوڭ سايلىمىغا قاتناشمايمەن» دېگەن. 

تۆۋەندىكى مەزمۇننى يانفۇنىڭىزدا دوستلىرڭىز بىلەن تەڭ بەھىرلىنىڭ !

بۇنىمۇ ياقتۇرۇپ قالسىز
ad

تەۋسىيە قىلغىنى

تۇرمۇش ۋە ساغلاملىق

تەۋسىيە ۋېدىئولار

ھەپتىلىك ئاۋات خەۋەر

مۇشۇ تۈردىكى يىڭىسى

مۇشۇ تۈردىكى مۇھىم خەۋەر
  • گۈمۈرۈلۈش خەۋپى بار تاشلىققا چىقىۋالغان قارام ساياھەتچىلەر

    مۇھىم خەۋەرلەر
  • يەر شارى تورىنىڭ بىر ھەپتىلىك نادىر سۈرەتلىك خەۋەرلىرى

    مۇھىم خەۋەرلەر
  • بىر يىگىت 20 مېتىر كېلىدىغان سۈرەتنى ئامېرىكا-مېكسىكا چېگراسىغا ئېسىپ قويدى

    مۇھىم خەۋەرلەر
  • ھۆسن تۈزىتىشكە خۇمار بولۇپ قالغان كرودىيەلىك ئەر

    مۇھىم خەۋەرلەر
  • تايلاندلىق «پۇلدار ئايال» دەردىنى ئېلىش ئۈچۈن 13 ئەر بىلەن توي قىلدى

    مۇھىم خەۋەرلەر
  • ئۆلۈۋالغان ئادەمنىڭ يۈرىكى كۆچۈرۈلگەن ئادەم 12 يىلدىن كېيىن ئوخشاش ئۇسۇل بىلەن ئۆلۈۋالدى

    مۇھىم خەۋەرلەر
  • زاماننىڭ 200 يىل ئالدىدا تۇرالىغان ۋاشىنگتون ئالاھىدە رايونى

    مۇھىم خەۋەرلەر
  • تايلاندلىق ئايال 2 يىلدا 8 ئەر بىلەن توي قىلىپ تويلۇقنى ئالداپ كەتتى

    مۇھىم خەۋەرلەر
  • تاجىكىستان زۇڭتۇڭى ئىككى ياشنىڭ بېشىنى قوشۇپ قويدى

    مۇھىم خەۋەرلەر
  • Copyright ©2011-2015 Baxlan Corporation, All Rights Reserved

    بارلىق ھوقوق شىنجاڭ باشلان تور-تىخنىكا مەركىزىگە تەۋە ، 新疆开始网技术中心版权所有

    ئىلان ئالاقە ھەمكارلىق نۇمىرى : 13899990941 , 新ICP备14002316号

    Powered by Baxlan.com © 2015